FoodLab aqqutigalugu kissaatigaarput, Nunatsinni nerisassiornermut tunngasunik aallarnisaasunut pitsaasunik atugassaqartitsinissarput, nerisassianik tuniniaasartut suliffeqarfiit mikinerit tunisassiornissaannut periarfissanik neqeroorfiginerisigut. Peqatigitillugu kissaatigaarput, FoodLab tassaassasoq ataatsimoorluta paasisassarsiorfigisinnaasarput immitsinnullu isumassarsiorfigisinnaasarput, kalaallit nereriaasiannik najukkanilu kalaalimerngit tuniniarneqartut aallaavigalugit.

Foodlab makkuninnga peqarpoq Igaffik Kitchen Space aammalu Nittarsaassisarfik Event Space.

Igaffittaani Kitchen Space-mi atugassarititaasut tassaapput igaffimmi atortorissaarutit nutaaliaanerpaat, ilinnut nerisassianik nutaanerpaanik ineriartortitserusuttumut tunisassiorusuttumullu, imaluunniit illit nammineq ilisimasannik allanut avitseqateqarusuttumut.

Nittarsaassisarfik Event Space nerisassianik nutaanik tamussertitsinissamut, najoqqutassanillu nutaanik misileraanissamut piukkunnarluartuuvoq.

FoodLab-imi init ammasuupput, kikkunnullu tamanut nerisassanik kalaaliminernillu pitsaasunik misileraarusuttunut nutaaliornermullu piukkunnartuullutik. FoodLab pikkorissunik suliassaqarfimmut tunngasorpassuarnik piginnaasalinnik pingaarutilinnillu attaveqarfilinnik sulisoqarpoq.

Aallartilluarnissannut ikiuunnissatsinnut piareersimavugut!